Kurti nënshkruan marrëveshje për 400 milionë euro me BERZH-in

Bota Lajme

Kryeministri i Kosovës, Albin Kurti, ka njoftuar se ka nënshkruar një memorandum të marrëveshjes me presidenten e BERZH-it, Odile Renaud Basso.

Siç ka bërë të ditur Kurti në platformën X, se ky partneritet sjell një investim prej 400 milionë eurosh në sektorët kryesorë për periudhën 2024–27.

Kurti ka theksuar se kjo shifër është më e madhe se totali i 340 milionë eurove në kredi dhe grante sovrane të marra gjatë tërë 11 viteve që Kosova është anëtare e kësaj organizate.

“Partneriteti me BERZH-in është më i fortë se kurrë. Sapo kam nënshkruar një Memorandum të marrëveshjes me Presidenten Odile Renaud për 400 milionë euro investime në sektorët kryesorë për periudhën 2024–27—më shumë se 340 milionë euro në kredi dhe grante sovrane gjatë tërë 11 viteve që Kosova është bërë shtet anëtar”, ka shkruar Kurti.

Leave a Reply

Your email address will not be published. Required fields are marked *