Biden fajëson grupet e mbështetura nga Irani për vrasjen e tre ushtarëve amerikanë në Jordani

Bota Lajme

Presidenti amerikan, Joe Biden, tha se tre anëtarë të Ushtrisë amerikane janë vrarë dhe “shumë” të tjerë janë plagosur në një sulm me dronë ndaj forcave amerikane, që janë të stacionuara në verilindje të Jordanisë, afër kufirit sirian.

“Përderisa ne ende po mbledhim fakte për këtë sulm, ne e dimë që u krye nga grupet militante, që mbështeten nga Irani, të cilat operojnë në Siri dhe Irak”, tha Bideni përmes një deklarate më 28 janar.

“Ne do të vazhdojmë angazhimin e tyre për të luftuar terrorizmin. Nuk kam dyshim, ne do të mbajmë përgjegjës të përfshirët në kohën dhe mënyrën që ne do të zgjedhim”, shtoi presidenti amerikan.

Biden tha se sulmi ndodhi në orët e vona të 27 janarit. Ai nuk specifikoi numrin e personave të plagosur në këtë incident, por një zyrtar amerikan më pas tha se të paktën 34 anëtarë të personelit ishin evakuuar pas lëndimeve traumatike në tru.

Një televizion jordanez citoi një zëdhënës të Qeverisë të ketë thënë se sulmi nuk ka ndodhur në tokën jordaneze, por përtej kufirit, në Siri.

Leave a Reply

Your email address will not be published. Required fields are marked *