Ahmeti me homazhe kujtoi presidentin historik të Kosovës, Ibrahim Rugovën

Lajme Maqedoni

Kreu i BDI-së, Ali Ahmeti sot ka bërë homazhe në varrin e ish-presidentit heroi, Ibrahim Rugova. Ahmeti njofton se është takuar edhe me familjen Rugova. Në Prishtinë prezent ishte edhe nënkryetari i partisë-Bujar Osmani, shefi i kabinetit-Artan Grubi, sekretari i partisë-Faton Ahmeti dhe deputetja e BDI-së-Arta Bilalli Zendeli, por edhe kreu i komunës së Drenasit, Ramiz Lladrovci.

“Me homazhet në vendprehjen e tij në Prishtinë kujtuam sot në 79 vjetorin e lindjes, Presidentin historik të Republikës së Kosovës, Dr. Ibrahim Rugovën. Me anëtarët e familjes së nderuar Rugova evokuam bashkë kujtime nga ato vite veprimi përplot atdhedashuri të presidentit në shërbim të idealit të lirisë dhe themelimit të shtetit të pavarur të Kosovës. Falë Presidentit Rugova u zgjua ajo ndërgjegje e fjetur e njerëzimit, lobimi i tij bashkë me pushkët e UÇK-së ishte kushtrim drejtësie të cilit iu përgjigjën SHBA-të dhe Europa. Do ta kujtojmë përjetë me mall e krenari duke patur frymëzim vitet e jetës që ia kushtoi lirisë e përparimit të Kosovës. Lavdi e përjetshme Presidentit Rugova!”, ka shkruar Ahmeti.

Leave a Reply

Your email address will not be published. Required fields are marked *