Grupi për mbrojtje të të drejtave të njeriut Amnisti Interneshënëll sot i bëri thirrje Izraelit që “menjëherë” ta heqë bllokadën e Gazës, duke thënë se “dënimi kolektiv” i civilëve për krimet terroriste në Hamas është krim lufte.
Bllokada e Izraelit me popullsi të dendur “e fundosi Rripin e Gazës në errësirë dhe do ta përkeqësojë katastrofën humanitare”, thuhet në kumtesën e Amnisti.
“Dënimi kolektiv i popullatës civile në Gazë është krim ushtarak – kjo është mizore dhe johumane”, thuhet në dokument.
“Amnisti përsërit se civilët palestinezë nuk janë përgjegjës për krimet në Hamas dhe grupet e tjera të armatosura palestineze dhe Izraeli nuk guxon, sipas të drejtës ndërkombëtare, t’i detyrojë të vuajnë për shkak të veprave në të cilat nuk kanë rol dhe nuk mund t’i kontrollojnë”, thekson organizata.
Amnisti, gjithashtu, i bëri thirrje bashkësisë ndërkombëtare “të punojë në arritjen e marrëveshjes për korridoret humanitare” në Gazë, ku janë zhvendosur më shumë se 423.000 persona.
