“Parku Ukraina” në Çair, ambasadorja Larisa Dir: Falëmderit për mbështetjen që na jepni

Lajme Maqedoni

“Parku Ukraina” u promovua sot në Komunën e Çairit, gjegjësisht pranë objektit komunal.

“Me promovimin e Parkut Ukraina përçuam porosinë se çdoherë do të jemi me Ukrainën dhe popullin ukrainas, njëlloj sikurse miqtë tanë – Bashkimi Evropian dhe Shtetet e Bashkuara të Amerikës”, ka deklaruar kryetari i Komunës së Çairit, Visar Ganiu me këtë rast.

Ai përkujtoi se lufta nuk është zgjidhje për asnjë problem e aq më pak vrasja e civilëve të pafajshëm, sepse me luftë assesi nuk mundemi ta ndryshojmë botën për të mirë, por ama me paqe PO.

“Nobelistja jonë Nënë Tereza e cila aq shumë e deshti paqen dhe vetëm paqen do të thoshte : Jo të gjithë ne mund të bëjmë gjëra të mëdha. Por ne mund të bëjmë gjëra të vogla me dashuri të madhe. Dhe ne sot po e bëjmë një gjë të tillë. Ne dëshirojmë që përmes Parkut Ukraina të përçojmë porosinë se të gjithë jemi me Ukrainën dhe me popullin ukrainas dhe kemi qenë po me ata që nga fillimi i luftës dhe kundër agresionit ndaj tyre”, tha Ganiu.

Nga ana tjetër Ambasadorja e Ukrainës Larisa Dir tha se ky propozim i kryetarit të Komunës së Çairit, z. Visar Ganiu, ishte një lajm i mirë.

“Ky lajm frymëzuese ishte në kontrast të plotë me lajmet që marrim çdo ditë nga vetë Ukraina. Sot kemi një mundësi të shkëlqyer për të marrë mbështetje morale dhe shpirtërore nga Komuna e Çairit të qytetit të Shkupit, e cila është e paçmuar”, tha Ambasadorja.

Ajo uroi që “Parku Ukraina” në Komunën e Çairit të jetë i ndritshëm, i lulëzuar, i këndshëm, i mbushur me të qeshura të gëzueshme të fëmijëve, argëtim të fëmijëve.

Leave a Reply

Your email address will not be published. Required fields are marked *